MBE

Lantalde guztiak zein gai bateko erreferenteak funtsezko oinarria dira gure elkarte zientifikoan, eta balio erantsia ematen diote Osatzeni, Familia Medikuntzarekin, elkartearekin eta herritarrekin duten konpromiso handiari esker.

Helburu nagusia

• Pazienteei aplikatutako ezagutza zientifikoa bilatzeari, ebaluatzeari eta laburtzeari buruzko ezagutzak eta trebetasunak ematea, baita praktika klinikorako gomendioak formulatzeari buruzkoak ere, asistentzia sanitario hobea emateko.

Helburu espezifikoak

• Informazio-beharrak egituratzen irakastea: galdera klinikoak eginez, emaitza garrantzitsuak zein diren aukeratzen ikasiz (aldekoak eta kontrakoak, erabakiak hartzeko prozesuan) eta azterketa mota desberdinen bidez horiek nola eskuratu ezagutuz.
• Informazio-iturri biomedikoak erabiltzeko trebetasunak irakastea, lehen mailako datu-baseak eta landutako informazioa duten bigarren mailako iturriak bereiziz.
• Ikerketa klinikoaren arloko aurkikuntzekiko konfiantza nola baloratzen den erakustea, azterketa mota desberdinen irakurketa kritikoa baliatuz eta esku-hartze batek kalte baino onura handiagoa eragiten duen eta onuren handitzeak kostu gehigarriak justifikatzen dituen zehaztuz.
• IKTen erabilera sustatzea ezagutzaren kudeaketan.
• Osatzeni laguntzea alderdi metodologikoetan, ekoizpen eta dibulgazio zientifikoarekin lotuta.

Taldearen irakaskuntza-eskaintza

• «Egunean egotea» tailerra, galdera klinikoak ebazteko informazio-iturrien erabilerari buruzkoa.
• «Ikerketa-proiektu baterako berrikuspen bibliografikoa eta informazioaren kudeaketa» tailerra, ikerketa-proiektu bat egiteko behar den berrikuspen bibliografikoa egiteari buruzkoa.
• «Informazioa kudeatzeko eta talde-lanerako tresnak» tailerra.
• «Literaturaren irakurketa kritikoa: proba diagnostikoak eta tratamendua» tailerra.

KOORDINATZAILEA:

Rafa Rotaeche del Campo